Wednesday, May 27, 2020

İFTAR SÜFRƏLƏRİMİZİ EHTIYACLI İNSANLARIN ÖZ EVLƏRINDƏ TƏŞKİL EDƏK

Written by  Aprel 30 2020
Rate this item
(0 votes)

İFTAR SÜFRƏLƏRİMİZİ EHTIYACLI İNSANLARIN ÖZ EVLƏRINDƏ TƏŞKİL EDƏK

Ramazan ayının gözəl ənənələrindən biri də iftar süfrəsi açmaqdır. İftar süfrəsi açıb insanları bu süfrəyə dəvət etmək İslam dinində böyük savaba, mükafata malikdir.
Həzrət Peyğəmbər (s) buyurur: "Hər kim bu ayda oruc tutan möminə iftar verərsə, o, Allah-Taala yanında qul azad etməyin savabını qazanmış olar və keçmiş günahları bağışlanar”.

Təssüflər olsun ki, bu il məlum virusa görə yaranan karantin rejimində hər hansı bir yerdə iftar təşkil edib möminləri dəvət etmək sağlamlıq baxımından dolayı tövsiyə olunmur. Həm də ölkədə tətbiq olunan komendant saatına təsadüf edir.

Ona görə də belə vəziyyətdə iftarlarımızı iftar üçün ərzaq alıb tanıdığımız yoxsul ailəyə təqdim etməklə və ya ərzaqın qiymətini (adambaşına təqribən 8-10 lari) hesab edərək ehtiyaclı ailə üzvlərinə verməklə iftar açmalarına səbəb ola bilərik. Bununla da hədislərdə qeyd olunan İftar vermənin savabına nail olmaq mümkündür.

Gürcüstan Ruhaniləri Heyəti, (Gürcüstan Müsəlmanları İdarəsi)

Read 52 times Last modified on Last modified on May 09 2020