Sunday, June 24, 2018

XƏBƏRLƏR 66

Gürcüstanın bir çox məscidlərində olduğu kimi bu gün Tbilisi “Cümə” məscidində də bayram namazı qılındı. Hacı Kərbəlayi Mahir Məmmədovun imamətliyi və axund Hümbət Quliyevin mükəbbirliyi ilə qılınan namazdan öncə öncə Gürcüstan Müsəlmanları İdarəsinin şeyxi Hacı Ramin İgidov ölkə və dünya müsəlmanlarının bayramını təbrik edib, onlara xoş arzularını çatdırdı.

Gürcüstanda səfərdə olan Diasporla İş üzrə Dövlət Komitəsinin sədri Fuad Muradov bu gün Tbilisidəki Cümə Məscidində Gürcüstan Müsəlmanları İdarəsinin (GMİ) şeyxi Hacı Ramin İgidov və müfti Hacı Yasin Əliyevlə görüşüb.
Görüşdə Gürcüstanda dini etiqad azadlığı, müsəlmanlarla digər dini icmalar arasındakı münasibətlər və digər məsələlər ətrafında fikir mübadiləsi aparılıb.

Dünən axşam Marneuli bu axşam isə Qardabani şəhərində Kvemo Kartli bölgə quberniyasının və rayon bələdiyyələrinin təşəbbüsü ilə iftar süfrələri təşkil olundu. Hər iki İftar süfrələrində din xadimləri, dövlət rəsmiləri, rayon və ətraf kəndlərində dəvət olunan müsəlmanlar iştirak etdi. 

Ötən illərdə olduğu kimi bu axşam da Gürcüstanın Baş naziri tərəfindən iftar süfrəsi təşkil olundu. 
İftar süfrəsində ölkənin müxtəlif yerlərindən din və icitamiyyət xadimləri, nazirlər və hökümət nümayəndələri, parlament üzvləri, Acarıstan Muxtar Vilayətinin hökümət başçısı, Kvemo Kartli qubernatoru, müsəlmanların sıx yaşadığı şəhərlərin bələdiyyə sədrləri, müsəlman ölkələrinin ölkəmizdəki səfirləri, Azərbaycanın Diaspora komitəsinin sədr və nümayəndə heyəti və digər qonaqlar bir araya gəldilər.

1 -dən səhifə 6