Sunday, July 3, 2022

BİR QURUP GÜRCÜSTAN RUHANİLƏRİ BAKI ŞƏHƏRİNDƏ SƏFƏRDƏ OLUB

Written by  мая 21 2022
Rate this item
(0 votes)

19-20 May tarixlərində 40-a yaxın Gürcüstan ruhaniləri Gürcüstan Müsəlmanları idarəsinin şeyx və müftiləri də daxil olmaqla Azərbaycan Respublikasının Gürcüstandakı

səfirliyinin təşəbbüs və təşkilatçılığı ilə Azərbaycanın paytaxtı Bakı şəhərində səfərdə olmuşlar. Səfər çərçivəsində dini rəhbərlər və din xadimləri bir neçə dini qurum və təşkilatlarda olmuşlar. Onlar proqram üzrə Azərbaycanın Dini Qurumlarla iş üzrə Dövlət Komitəsinin sədri Mübariz Qurbanlı, Qafqaz Müsəlmanları İdarəsinin sədri Şeyxülislam Allahşükür Paşazadə, Mənəvi Dəyərlərin Təbliği Fondunun sədri Mehman İsmayılov, Azərbaycan İlahiyyat İnistutunun rektor müavini Mirniyaz Mürsəlov və həmin qurumların əməkdaşları ilə görüşmüşlər. Eyni zamanda Gürcüstanın Azərbaycandakı səfirliyində olmuşlar.

Qonaqlar din və dövlət qurumlarının səlahiyyətləri, iş sahələri, həyata keçirdiyi layihə və tədbirlər barəsində tanış olmuşlar. Onlara Azərbaycanın Dövlət Din münasibətləri, Dövlətin dinlərə göstərdiyi diqqət və qayğılar haqqında məlumatlar verilib.
Azərbaycana səfərdən məmnunluğunu ifadə edən Gürcüstan Müsəlmanları İdarəsinin şeyxi və müftiləri dəvətə görə təşkilatçılara və yüksək qonaqpərvərlik göstərən qurumlara təşəkkür ediblər.
Azərbaycanda gedən dini fəaliyyət və prosesləri yaxından izlədiklərini vurğulayan qonaqlar bildirib ki, Gürcüstanda da dövlət-din münasibətləri yüksək səviyyədə qurulub. Dövlətin digər dinlərlə yanaşı sağlam İslam dininin yaşaması yönündə göstərdiyi diqqət, dəstək və qayğıdan danışıb, təmsil etdikləri dini qurumun məqsəd və fəaliyyəti haqqında məlumat veriblər.
Qeyd edək ki, Bakıda iki gün davam edən səfər çərçivəsində Fəxri və Şəhidlər xiyabanını, İkinci Qarabağ müharibəsindəki şəhidlərin məzarlarını və müxtəlif dini-tarixi abidələri də ziyarət etmişlər. Qafqazın ən böyük məscidi hesab olunan Heydər məscidində Cümə namazında iştirak etmişlər.

 

Read 102 times Last modified on Last modified on мая 22 2022

MƏSCİDLƏR

NAMAZ TƏQVİMİ