Saturday, July 4, 2020

XƏBƏRLƏR 133

Ötən gecə Gürcüstanın bir çox məscid və ibadət məkanlarına və o cümlədən Tbilisi Cümə məscidində ikinci (ehtimal olunan) “Qədr gecəsi” münasibəti ilə mərasim təşkil olundu. Tbilisi Cümə məscidindən əlavə “Hz. Həmzə” hüseyniyyəsi, “Ali-Əba”, “Əhlibeyt” məscidlərində və “Alulbeyt” mərkəzində də gecədən başlayan mərasim sübhədək xütbə, Quran tilavəti, Qədr gecəsində tövsiyə olunan dua, namaz və ibadətlərlə keçiridi.

Gürcüstanın bir çox yerlərində olduğu kimi hər il Tbilisi Cümə məscidində də Qədr gecələri mərasimi keçirilir. Saat 24:00-dan başlayan mərasim imsaka (səhura) qədər xütbə, Quran tilavəti, Qədr gecəsində tövsiyə olunan dua, namaz və ibadətlərlə keçirilir. Səhura yaxın mərasim iştirakçılarına imsak süfrəsi açılır.

Ötən illərdə olduğu kimi artıq Gürcüstanın bir çox şəhər və rayonlarında bölgə Quberniyası, Şəhər merləri və rayon rəhbərlikləri tərəfindən iftar süfrələri verilməsi planlaşdırılıb. İftar proqramları Ramazan ayının son gününə qədər Dmanisi, Bolnisi, Marneuli, Qardabani, Ağbulaq, Kaspi, Kareli, Msxeta, Laqodexi, Telavi, Saqareco və digər rayon və kəndlərdə oruc tutanlar, dövlət rəsmiləri və yerli müsəlman sakinlərin iştirakı ilə keçiriləcəkdir. 

Ötən illərdə - 1 İyun Uşaqların Beynəlxalq Müdafiəsi günündə olduğu kimi bu gün də Gürcüstan Müsəlmanları İdarəsi ümumilikdə 230-dən çox əlil və əngəlli uşaqlara Ramazan payı və 5 uşaq əlil arabası bağışlamaqlar onları yad etdi. Ümumilikdə 3800 lari məbləğində olan hədiyyələr və ehtiyacları olan əşyaların xərci həmin yurdaların hesabına köçürüldü.

7 -dən səhifə 12