Monday, September 16, 2019

Gürcüstanın bir çox şəhər və kəndlərində olduğu kimi paytaxt Tbilisidə Cümə məscidində (və digər səkkiz yerdə) 10 günlük Məhərrəmlik mərasimləri Hüseynsevər müsəlmanların iştirakı ilə izdihamlı şəkildə keçirildi.

Bu gün Məhərrəm ayının gəlişi ilə bağlı Tbilisidə bölgələri təmsil edən axundlar və din müəllimləri ilə toplantı keçirilib.

Artıq neçə ildir ki, Tbilisi şəhərində Quran kurslarında təhsil alan azyaşlı yeniyetmə oğlan və qız uşaqları arasında Qurani-Kərimin üzündən düzgün və sərbəst oxunuşu və hifzi üzrə yarışlar təşkil olunur.


 
 
Ötən gün Marneulinin Qızılhacılı kəndində "Qədir-xum" bayramı münasibəti ilə növbəti mərasim keçirilib. Gürcüstan Müsəlmanları İdarəsi və “Əhli-beyt” Cəmiyyətinin birgə təşkil etdiyi mərasimə Marneuli və ətraf kəndlərdən inanclı müsəlmanlar dəvət olunub.

Qardabaninin Təhlə kəndinin məscidinin həyətində təşkil olunan mərasimdə rayon və ətraf kəndlərdən müsəlmanlar iştirak edib.

Hər il olduğu kimi bu günlərdə də Gürcüstanın bir çox bölgələrində, rayon və kəndlərdə, məscidlərdə Həzrət İmam Əlinin (ə) imamət məqamına təyin olunduğu gün  "Qədir-xum" bayramı ilə əlaqədar mərasimlər təşkil olunur, tədbirlər keçirilir və bayram süfrələri açılır.

 Ötən gün Msxetanın Çixiciri kəndində Qədir-xum bayramı münasibəti ilə mərasim təşkil olunub.

Gürcüstanın Baş naziri Mamuka Baxtadze bü gün müqəddəs Qurban bayramı münasibəti ilə ölkə müsəlmanlarını təbrik etmək üçün Tbilisi “Cümə” məscidində olub.

Bu gün Marneulinin Ağaməmmədli kəndində İmam Rzanın (ə) təvəllüdü münasibəti ilə bayram mərasimi keçirilib.


İyulun 1-dən Gürcüstan Müsəlmanları İdarəsinin nümayəndə heyəti Mənəvi Dəyərlərin Təbliği Fondunun dəvəti ilə Azərbaycanda səfərədir.
 
Səfər çərçivəsində  Gürcüstan Müsəlmanları İdarəsinin şeyxi Ramin İgidov, İdarənin Şərqi Gürcüstan üzrə müftisi Yasin Əliyev, Qərbi Gürcüstan üzrə müftisi Beglar Kamaşidze və katibi Oktay İsayev bir neçə dini qurum və təşkilatlarda olmuşlar. Onlar proqram üzrə Azərbaycanın Dini Qurumlarla iş üzrə Dövlət Komitəsinin sədri Mübariz Qurbanlı, Qafqaz Müsəlmanları İdarəsinin sədri Şeyxülislam Allahşükür Paşazadə, Mənəvi Dəyərlərin Təbliği Fondunun sədri Mehman İsmayılov, Azərbaycan İlahiyyat İnistutunun rektoru Ceyhun Məmmədov, Bakı Beynəlxalq Multikulturalizm Mərkəzinin icraçı direktoru Rəvan Həsənov və başqa dövlət rəsmləri ilə görüşmüşlər. 
Eyni zamanda Gürcüstanın Azərbaycandakı səfirliyində olmuşlar.
 
Qonaqlar din və dövlət qurumlarının səlahiyyətləri, iş sahələri, həyata keçirdiyi layihə və tədbirlər barəsində tanış olmuşlar. Onlara Azərbaycanın Dövlət Din münasibətləri, Dövlətin dinlərə göstərdiyi diqqət və qayğılar haqqında məlumatlar verilib.
Azərbaycana səfərdən məmnunluğunu ifadə edən Gürcüstan Müsəlmanları İdarəsinin şeyxi və müftiləri  dəvətə görə Fondun rəhbərliyinə təşəkkür ediblər. 
 
Gürcüstanda yaşayan soydaşlarımızın Azərbaycanda gedən bütün prosesləri yaxından izlədiklərini vurğulayan qonaqlar  bildirib ki, Gürcüstanda da dövlət-din münasibətləri yüksək səviyyədə qurulub. Dövlətin digər  dinlərlə yanaşı sağlam İslam dininin yaşaması yönündə göstərdiyi diqqət, dəstək və qayğıdan danışıb, təmsil etdikləri dini qurumun məqsəd və fəaliyyəti haqqında geniş məlumat veriblər. 
Gürcüstan Müsəlmanları İdarəsinin din rəhbərləri iki qardaş, strateji müttəfiq ölkənin hər sahələrdə olduğu kimi, dini sahədə də əməkdaşlığa hazır olduqlarını vurğulayıblar.
 
Qeyd edək ki, bir neçə gün davam edən səfər çərçivəsində  Fəxri və Şəhidlər xiyabanını, müxtəlif dini-tarixi abidələri də ziyarət etmişlər.

1 -dən səhifə 21

მეჩეთები

ლოცვის დრო [2016]